Please click~~~

12/27/2011

AppNavi: The Twin Prank 雙胞胎的惡作劇 (Free)

十五分鐘內完成,超易的一個....

一日媽咪被貪玩大細孖女困於房內,好似有鬼咁做完一樣野另一間房會有相應反應,重點係孖女似塊鏡,即係咩都調轉。

兩間房不停走來走去,好煩....

PS:AppNavi 宣佈放假到 1 月4 號,大家安心放長假,唔駛打機心掛掛~


12/26/2011

Twilight Saga: Breaking Dawn (Part I) 吸血新世紀4破曉傳奇上集

平安夜晚睇左呢套 吸血新世紀4破曉傳奇上集,劇情都拖得好長,Belle & Edward 終於結婚了,而 Bella 為左生個 Immortal vampire baby (Renesmee Cullen) 變到皮包骨,好似道友咁,化粧特效真係好強~ 最終 BB 出世了,Edward 為左救垂死既 Bella 為佢注入彊屍毒液,而 Bella 神奇地死而復生仲瞬間增肥同化埋粧。

今集慳水慳力,主要場境係兩間大屋,森林同埋個婚禮現場,數場狼人同彊屍追逐打鬥場面,其他主要係講講講。

只好希望下集會更精彩。

12/24/2011

Merry Christmas~~


祝 大家聖誕快樂 

Merry Christmas~~~ 



香港冇咩機會過白色聖誕,想見吓雪既不如去 google 打 "let it snow"~ 
Wanna have a white christmas? Try to type "let it snow in google" ~

12/22/2011

2012 年 12 月 22日

如果瑪雅預言準確,明年今日就係世界末日,某程度都幾期待。

各式各樣災難歷年來都睇好多,包括海嘯,地震,火山爆發,地球極地化等等,如果可以揀,我諗凍死都唔錯,應該係最舒服既死法。

如果真係末日前最後一年,想做就去做啦。就算唔係世界末日,每個人既生命都係每日倒數中,點解成日都仲要咁多顧慮?

身邊好多朋友,成日話要轉工,要XX, 要XX, 得個講字,一年又一年,結果今時今日原地踏步,我地又仲有幾多青春同時間去諗?點解唔去實行?好與唔好,都算試過,都叫無悔。可能呢啲只係典型白羊座既思想~

我希望今年可以去秘魯或者尼泊爾,大家 2012 年又有咩目標呢?

12/21/2011

AppNavi: The Airtight Warehouse 密閉倉庫 (Free)

主角一日突然被綁架,成功逃出發現身邊好人為錢而綁佢....  密碼頗多但唔太難既一個。Happy Escape~










12/19/2011

AppNavi: My Girlfriend and the Cafe 女朋友和咖啡館 (USD1.99)

 與女友探婆婆,到婆婆經營的咖啡室,女友找婆婆去,主角發現被反鎖。最後當然逃出,發現婆婆一早打算將間舖比左孫女。好易玩.... 又呃錢.... 我玩完幾日今晚先 ‘的’ 起心肝寫埋個攻略.... 




JRE TEST

上星期六參加左一個政府工既考試,其實都係玩吓既心態去,事前毫無準備,應該話唔知點準備就去左。地點係九龍灣展貿,3:15 分前應該要開考,考生要提前五分鐘到達試場,預設時間三小時三十分鐘完成完成試題。考試題目都係一條好長既英文題目包括好多資料,再做一篇分析作答,中文題目就係按一個指定題目寫出個人見解。開考時覺得時光倒流,好似番左去中學會考同 A-Level, 只係冇担心既感覺。一如以往,我都唔會留到最後倒數,做完就走。英文答了三頁半紙,中文三整頁,好耐冇見過自己手寫咁多字,如果唔係話明唔比開電話,我大概會影張相留念一下 :P 而考試結果一個月後通知。

同之前考 CRE 一樣,去到試場所見都係一班 fresh grad 既朋友居多,好多都拎住 notes 响到温書,其實我都幾好奇到底呢種試有咩可以準備。當中唔少都有考生有男/女朋友謢送陪去應考,更有數個係由父母陪同應考... 對於父母陪去考試,感覺有少少怪異,冇記錯既 JRE 試考生起碼都大學畢業,應該過二十啦,雖然當日只係去考試,但都係見工既一部份,唔通見工都帶父母去?

有關座既位置,其實幾個門口各自有張好清楚既座位圖,睇完入到試場好易就揾倒自己個位。但係唔知點解,在場所見好多考生當各監考員好似帶位員咁,不停問人自己座邊....

到三點十五分,準時開始,大門關上,監考員宣讀各項規則後,突然... 試場大門打了,有十幾二十個考生入場,再次揾左一輪位置後,監考員再重覆宣讀各項考試規則,及比時間各遲到考生填寫考生編號等等,考試先正式開始。老實,要其他準時到既考生浪費時間重新陪遲到既人等開考,咁做其實唔太公平。如果一開始就預左會有一班遲到考生既,何不延遲十五分鐘開考,一次過先做所有指定程序?真係相當莫名其妙。

而開考後十多分鐘,已經有考生離場,相信該時段離場既人都冇可能答晒先走,因為我當時連題目都未睇晒!

另外,考試規則响英文答題簿上寫住要每行書寫,唔好隔行,考試前監考員亦比左成分鐘各考生睇嗰幾行規則... 言而在下左邊考生,好快就開筆書寫,而佢就係隔晒行咁.... 當然距離問題我睇唔倒佢寫咩,只見佢係隔晒行咁寫得好快... 到底係佢做人有原則定漠視規則呢?真係好謎....

得閒去考個試 train 吓自己之餘仲可以見吓人生百態,花一日時間都值得!



12/18/2011

Movie: Sherlock Holmes: A Game Of Shadows 神探福爾摩斯: 詭影遊戲

可能故事背景係 18世紀英國,對白都好‘累敍’,打親交都好 matrix 既預計慢鏡場面,又有好多金田一式事後故事解謎,個人唔太欣賞。130 分鐘既戲,中途我都忍唔倒玩左一陣電話...

最鍾意火車一幕,同 Robert Downey 成日扮鬼扮馬 ﹣ 尤其係扮櫈同牆,好好笑 ^O^



Movie: Mission Impossible:Ghost Protocol 職業特工隊:鬼影約章

全長 140 分鐘無冷場,情節緊湊,尤其鐘意杜拜哈利法塔爬外牆及克里姆林宮 projector 加投視科技扮牆場面。當劇中好笑對白同超高科技都功不可抹,重要冇夾硬整到套戲變 3D.

 一句講晒, LIKE~

12/17/2011

iphone game: Antrim Escape 3 Deluxe (Free)

多謝千愉通知,原價 USD3.99 既 Antrim Escape 3 終於限時免費,新 1.4 version 仲有聖誕 hidden objects, 未知係咩,未得閒玩都下載左先啦~



遊戲中要揾聖誕飾物,每個場景上方都有顯示仲有冇揾漏,揾唔倒可以用 HINTS,揾齊晒可以見倒呢個圖。好似有個 CandyCane Quest, 但未研究倒做咩....


12/15/2011

AppNavi: A Night of Enchantment 熔化的一夜 (Free)


取 ’林‘ 字方法:
1. 點入 DNA 海報

2. 點至放大中段部份

3. 貼上 C A T 後,會見畫面表示 'Ah, something fell down' 有野跌落地

4. 退回一次畫面,點紅色位置

5. 地上見 ‘林’ 字


12/13/2011

AppNavi: The Memo 留下的字條 (USD1.99)

主角之前遇上意外失憶,全靠女友奈奈照顧,日漸康復。一日,主角與奈奈去郊區小屋,突然女友留下字條要去自殺,為左唔想主角阻佢去死,反鎖佢响屋內.

再次有兩個結局.... 其實有三個結局先啱 ﹣

壞結局 A:主角逃出,發現奈奈正在自殺,但為時已晚,最後一刻記憶回籠,卻唔記得眼前人是誰,但眼激停不了

壞結局 B:主角逃出前發現當日意外時,打暈自己的人就係奈奈,事實上主角女友另有其人。奈奈目的就係趕走主角的真正女友,但發現自己唔可以再呃自己去扮主角既女友,覺得對佢唔住。最後主角都係要去試吓阻止奈奈自殺。同樣地奈奈死了,主角記憶番來了,但忘了奈奈是誰

好結局:主角發現當日打暈自己既就係奈奈,內心掙扎完發覺自己最愛都係奈奈,成功阻止自殺,大團圓結局

點樣做晒呢三個結局呢.. 見本文最底




壞結局 A:完成 15 後,取鎖匙,直接走出去

壞結局 B:取鎖匙,去之前打破了的長鏡對下一格櫃試用鎖匙,發現打不開,用鐵錘打彎鎖匙,打開了櫃,見紀念冊,記起真正女友不是奈奈。用鐵錘弄直回鎖匙,出去大門....

好結局:壞結局 B 中,看完紀念冊,弄直回鎖匙,去大門前到女石像手上取回黄色介指,才去大門離開

12/10/2011

iphone game: 車內逃脫 (Free)

For Wilson~~ Enjoy the game~





Download link: http://itunes.apple.com/hk/app//id473577139?mt=8

主角相約朋友試車,點知被困,設法逃離~


一開始,漆黑一片,按畫面左方,穩約見左邊車門 (後排座位),屏幕右上方,開燈掣。再移往右方後排車門,開上方的燈掣 (畫面左上方)

1 游泳卡:後方右邊車門,下方儲物位

回遊戲開始時畫面,見前排兩座位,點中間上方位置開燈掣

2 布偶:後排座位中間,拉下扶手位置

3 紙巾:取布偶的位置,後方簾子後


4 保險絲:面向前排座位背,中間扶手位置,點一下,打開黑色小格



5 加油卡:去前排左方肽盤位置,收音機對下一格

6 加油站票據:取加油卡的下一格 (見提示 18)

7 飛魚秀票:倒後鏡

8 鎖匙:面向前排座位中間位置,打開中間蓋位見兩個放杯的位置,點物品單的布偶,使用,放入杯位,按右的手咕𠱸直至打開

9 記憶卡:前排右邊座位,擋風玻璃下的儲物箱,用鎖匙

10 車匙:駕駛座位的上方,太陽擋,用加油卡


**肽盤右方,用車匙,液晶螢幕打開,去螢幕,用記憶卡 (屏幕見收音機台鎖定了 87.9 ﹣ 即飛魚秀票上提示),發現後排左方車門可以打開,但出去後發現會比人打,要繼續遊戲,但係唔走一次係唔可以繼續的.... 


11 棍:前排右方座位,腳墊下

**再從後排左方車門離開,將之後個人打抵了,但都要繼續遊戲,將車開走......



離開
﹣肽盤左下方,有一個四方形暗格,使用保險絲
﹣肽盤左方,按掣順序打開小燈,近燈,直至遠燈,再往液晶體屏幕下分別將霧燈,後霧燈及﹣警示燈打開 (紙巾提示,亮起所有的眼.... 亮起所有的燈)
﹣霧燈下方,冷氣,將温度調至 18 (依照加油站票據提示)
﹣入後波
﹣將視鏡開關指向左後
﹣回肽盤右方,點擊



車開了,主角發現原來一切係發夢~


12/08/2011

AppNavi: A Letter from the Dead 死者的來信 (USD1.99)


做記者的朋友突然離世後,主角收到一封信,指示主角到一個地方,原來朋友因生前追查一件事被人殺左,主角搜集證據後離開... 再次好壞兩個結局~





想要好結局,記得離開前去掛畫對上天花機關,再拉一次紅色吊勾,放回張櫈




A Letter from the Dead 死者的來信

12/07/2011

AppNavi: Behind the Smile 笑臉背後 (Free)

New Game~

古怪經理得知主角同老板去左打 Golf, 主角好奇下放工响 office 想揾線索,唔知點解會被困,最後發現經理笑面背後一直監視住各同事私人電郵之餘仲响天花板整個窿裝住同事做野.... 主角得知經理原來笑裹藏刀,逃出後只得小心防範喎.....

其實,裝個針孔閉路電視咪得囉,EMAIL 睇完就 delete 架啦,做咩要 print 出黎... 個經理有病就真。






Behind the Smile 笑臉背後

12/02/2011

新城市廣場星光花園聖誕燈飾匯演

香港既聖誕節頗多特別大型燈飾活動。舊年沙田新城市廣場七樓既聖誕布置“白雪星光遊園”都幾靚,今年見又有一個燈飾匯演,於是去左睇.... 而結果係... 相當失望...

首先,我七點幾去到,發現要去 三樓先取入場票! OK,咁我由七樓番落三樓取票,再番去,點先見七樓入口多左個職員响到 ”派飛“!!!!! 最勁係入去唔駛1 分鐘,張飛就由另一位職員收走.... 到底呢個 system 係做咩呢?

重有一個重點係,無論去邊左中右位睇都睇唔太清楚,反而睇 youtube 條片仲好:


其實呢睇一陣就可以走, 因為全程幾分鐘既表演都係得啲燈响到閃吓閃吓,冇另人驚喜既場面,亦冇其他野睇,完場即趕人走,冇得留底。

舊年既燈飾佈置靚好多,任人影相,只可以話新不如舊....