Please click~~~

10/31/2012

Gotmail: Delusional Love 被愛妄想 (Free)

一日,主角放工回家,家中多了個女人持刀協恃主角到一間陌生房間中,主角被反鎖,一定要逃走~



攻略 : https://www.dropbox.com/s/bmkr71km0spw9zr/Delusional%20Love.docx?m

街頭藝術 @ 旺角

好耐冇頻密出旺角,近期為左行露營用品舖多左出去,發現西洋菜街變左賣藝區。人賣唱,有人賣藝,有日見倒吳浩康唱响百老滙門唱 LIVE,但人太多迫唔倒埋去睇。

其中一個比較多人圍觀既係呢個銀色人,好多人影相,少數人行埋去合照,但一行埋去呀 ‘藝術家’ 就會叫 MONEY MONEY,相當搞笑。上網其間無意發現呢個銀色人早前都於尖沙咀碼頭出現,似乎會不定期轉場~


10/30/2012

Movie: 海猿 - 東京灣空難 Umizaru - Brave Hearts

一架客機機件故障,滑落架失靈,唯有於海面降落。由飛機落海後預計會快速沉落東京灣海底,拯救行動要於二十分鐘內完成。

整套戲,救人部份氣氛都好緊張,充份展演日本人既特性 ﹣ 嚴謹同認真。最終結局都估倒係全體會跳落海救個沉左落海底既 team mate, 但一班人紛紛跳入海既一刻依然有少少感動。

上集睇時仲係終極海難,伊藤英明仲未結婚的,今集第二個仔都就黎出世。伊藤英明老左好多,睇埋片尾前幾集既片段,再次感慨:歲月不饒人...


10/29/2012

錦上路一日遊

周末去左生平第一次去既錦上路,就係為左睇吓個傳聞中既露天市場同紅磚屋。

由紅磡出發到錦上路,車程比想像中快,唔駛半個鐘,但車費都幾貴,八達通價都要 HKD17.6 (冇錯,搭耐啲我會覺得抵啲  :P)


第一站跳蚤市場,一出車站就見。短短幾十分鐘車程,已經好似去左另一個城市,好 hea:

呢個市場好似泰國既夜市咁,但得三排,每間舖都唔大,賣既品種都頗多,好似家品,衣服鞋履,有機菜,動物用品,植物,特色小舖如西藏飾物同擺設,當然不乏小食飲品:

有少量位置比人座低休息或者飲吓食吓:

星期日都涼涼地,去呢個露天市場都略為熱,可能黄昏時間去好少少,反正佢收八點。

離開露天市場,向紅磚屋出發。先要經過呢條橋:

 過左橋一直行,見指示“錦田紅磚屋”:

直行到尾見紅綠燈,對面有間教堂,面向教堂右轉,行五分鐘左右就到:

室內都係小檔:

唔好睇少跳蚤市場既野,今次玩吓估價錢遊戲,答案幾日後話你知~

估價錢遊戲一:長木櫈,全天然實木製作

市場中有大量家品,如果住 HOUSE 或者村屋者相信好多野都好啱用。但對於生活响 ‘籠屋’ 如我者,一切就變得只可遠觀而不可亂買了~

望落好新鮮既農作物:

再次,好靚既擺設:

一邊行,一邊想像如果有間大屋會放咩擺設好呢 ~

場中間有個小型 FOOD COURT,有街頭小食如燒賣,腸粉,炸豆腐咁,想食既山水豆腐花是日冇貨...

紅磚屋內尚有好多植物,唔賣都睇得好開心。奈何本人係個植物殺手,種咩死咩,為免再塗炭生靈,都係睇吓就算~

好鍾意左邊呢個單車形盆栽架:

 估價錢遊戲二:真人高度之歐洲藝術品

好靚既花圃~

紅磚場中既街景:

靚靚天使像:

其中一間舖中放有好多陶瓷擺設:


估價錢最後一條:左邊第二張,全木矮櫈


總括黎講,放慢腳步慢行完全露天市場加紅磚屋,入去舖頭睇吓,間中座低飲吓食吓,都可以消磨大半日。普遍店主都好健談,唔會寸寸貢,問完一輪唔買都 OK 冇黑面,LIKE~

more details: 
錦上路露天市場: http://www.yl.hk/ksrsm/
紅磚屋: http://yl.hk/rbh/

10/28/2012

小王子水樽

今期 U 周刊加料版, HKD38 書連小王子水樽一個,實物都幾靚,打算放响公司做擺設 ~


10/25/2012

投訴之都 - 香港


一日,番工途中巴士上,上車後座樓上近樓梯位置,閉目養神中,突然有位女士上車大叫:點解架車咁遲架,遲成十分鐘,你會搞到我番工遲到架... 顯然係搭客 A 向司機投訴。

司機為一位中年女士,不甘示弱反擊:我夠想準時啦,塞車我都唔想,我又唔識飛,我都係打份工啫。 也許司機壓力太大,不停重覆約十幾分鐘。

與此同時,有位女士獨自一人企响已經冇位座既樓上,拎出電話,好似表演咁依住欄杆打比巴士公司投訴:我而家响XXX 號車上面,司機遲到,有搭客投訴佢,司機不停鬧左搭客十幾分鐘,我覺得佢情緒有問題,我覺得我而家車上既搭客好危險。你駛唔駛同司機講吓?

其實司機都係發洩吓,又何須咁隆重咁打去投訴呢?你投訴完,司機有被投訴紀錄,影响 BONUS 同勤工獎 (傳聞),投訴人又有咩得著?你真係咁睇唔過眼,點解唔新自向司機投訴叫佢專心揸車咁呢?

另一日,陪朋友去出電話,我地六點半已經到人超多,座底攞左號碼籌,唯有等。七點十五分左右,有個男人帶住個女朋友黎拎機,一樣要攞籌,佢一座底拎起電話又打去投訴(原裝有大量粗口,但我唔太識打粗口字,略過):你又叫我七點到,我而家七點到要我等,有冇搞錯。你同你同事講叫佢地比我拎先,我唔要再等。當然電話中既職員唔可以話事,都唔可以令佢優先被處理。其實呢位人兄打去投訴比較似係响女友面前出峰頭,用吓腦諗都知冇可能打個電話去可以比佢唔駛等,佢真係成功既話,相信在場既人都打上台要求特快處理,簡單地講係為投訴而投訴。

呢兩單係上星期兩日內生活上遇見既其中兩單投訴事件。到底係因為有手提電話令投訴變得方便而被灠用,定係大家生活壓力太大,揾地方發洩吓呢?投訴唔係話一定錯,但應該係對事唔係對人,想令人家公司了解問題從而改善服務,可惜而家好多人係為攞著數而去投訴。好多時投訴係為左一時之氣去投訴,試下由對方角度出發諗吓,可能會見倒一個不一樣既畫面,令自己投訴意欲減低或者消失...

800000 visitors, yeah~

曾經於到此一遊人次達 77777 既時侯,想像過呢個 BLOG 到 777777 人次既畫面,前一排願望達成。其實到呢個數字係深夜字份,瞓醒已經過左,我朋友幫我 PS 張圖還我心願 ONLY (THANK YOU)~


剛剛一直等 800000 人次既出現,耐何我見倒人數由 799999 一跳就去左 800002.... 再次出動朋友仔義助 PS 呢張 800000 人畫面。


呢組數字代表住過去呢兩年我同各位响呢個 BLOG 所花時間同精神,thank you for all your support~

10/24/2012

Gotmail: The Boom Room (170 points)

警察主角發現放炸彈疑犯,跟蹤失敗反被鎖於炸彈房中... 走呀~


Walkthrough link: https://www.dropbox.com/s/s7i5pfuc2by1j52/Boom%20Room.docx?m

牛乳足膜

夏天八成時間出街都著涼鞋出街,結果,經過風吹雨打,日曬雨淋,腳底同腳面皮膚變得好糙糙,鞋‘烚烚’。

路過萬寧見有個足膜,第一次好有衝動買番屋企試。過程簡單,沖完涼,剪開包裝,將有藥水既襪形膠套套入雙腳,再著對襪,一個鐘左右沖洗,第一步驟完成。

做完足膜後第三日(即係隔一日),腳指位同腳板底開始甩皮,可以撕出。最勁既一塊差唔多有 5x2cm, 唔痛冇留血,撕吓撕吓,好爽,當然覺得痛就唔可以撕,會留血的。部份位置要再過幾日先可以撕出,幾日後腳底血現粉紅色澤,腳面效果相對冇咁明顯。完成甩板過程後至今差唔多一個月,效果仲 KEEP 倒, like~



10/23/2012

niko and...

近日發現美麗華酒店地庫變身成為一個室內購物街,好日本 feel。我估係新開,因為仲有人裝修同好大裝修味 (其實我幾鍾意呢種味:P)。

沿美麗華商場與酒店既街有條樓梯落去.... 就見到好舒服既室內街景:



場內十間以下既店舖,路中間有公共位置可以座吓,鬧市中特別珍貴,相信不久後會被入侵:


 場中唔少店舖都係罐頭舖,即係連鎖分店。當中 niko and ... 最為特別。來自日本之家品連服裝舖:


最愛扮懷舊家品:


加上少許歐洲風味既器皿同瓶瓶罐罐:


真係唔睇都埋黎睇吓勒喂~


重點:場內有異常乾淨廁所~

PS:all photo taken by iphone 5

10/22/2012

Blood Donation


向來間中會去捐血,既可以幫人,得閒驗吓自己既血有冇問題,仲可以促進血液再做 refresh 吓... 好勒吹完水,如果放假未諗倒節目,不如去吓捐血啦。





10/21/2012

灣仔露營遊

星期六一早聽收音機,有獵戶座流星雨,雖然 PEAK 係今日(即係 10月21日),但好似前後幾日都有少少,抽起條筋出發去露營睇星~

上次去完塔門已經密謀第二次露營遊,上網搜尋日輪話西貢灣仔營地有水有廁所好方便咁,有人話灣仔可以睇星,於是今次決定試去呢個新營地。

船到了,上船去也。船艙其實唔大,撞啱有班露營團,轉眼間隻船爆滿了。由於全船都係露營遊,個個都帶好多裝備,就算人數上冇超載,計重量都好勁... 朋友話:睇定救生衣响邊... 好彩無驚無險,十幾分鐘就到了:

一上岸就到左南營,我地四點幾到,已經一地都係營:


由於海邊位所餘無幾,與朋友去左營外少少既位,但都响海邊,好似森林咁,好舒服。揾好營地,由於我地既 ‘原裝’ 營釘太弱了,所以用左好多時間做固定。反正唔趕時間,一於慢慢來。轉眼差唔多日落。

欄內就係真正既營地,好多人好厲害,好似成間屋搬左黎咁,有枱有櫈,唔少人仲執柴生火,好似好有風味咁﹣

仲有人拎瓦煲去整煲仔飯...

呢個營有少量枱櫈,一早被人霸晒:

灣仔有南西兩營,出左呢個門牌:

行十幾分鐘就到西營。門口既大垃圾桶,據聞都係為左防止啲牛入左營地而放,但大家為左方便都冇拉番好佢:

西營面積比南營大,比較多團體聚集,人比較少,只係冇左海景:

一堆一色一樣既營,都係來自同一個露營公司:

番到南營,水喉設施都 OK 多位都乾淨:

呢個簡直係豪華營,門口位對入有枱有櫈,好似屋企咁架:

我地呢啲初階露營者,今次仲失敗到拎少左粒電,用倒燈用唔倒電筒,全晚靠呢盞小燈為生。好彩呢個世界既電話可以扮電筒用  ^.^

從營內望出去,咩都見唔倒... 只有盞燈... 

冇燈既世界,感受倒久違了伸手不見五指既感覺,只有海浪聲,風聲,寧靜...

月亮下山前秒殺~


晚間活動,有人食晚不停食,有燒烤,打邊爐,有人選擇吹吓水,玩集體遊戲,各式其式。有人決定放火... 營火是也:

我就決定去睇星星... 好彩尋晚天清,肉眼睇成天都係星,好靚。相機影出黎變左另一回事。令我諗番起上次睇到好靚既埃及星空....

越夜,星星好似越光,等左一陣都冇流星出現,番營瞓响到等,等呀等.. 等到瞓著左... 突然有人大叫,流星呀,但我聽到時流星已過... 決定去瞓覺算數,番正睇到咁多星已經好開心:

第二朝好多人一早就醒左,好熱鬧,加上太陽出來了,漸漸變得好熱,起身梳洗一輪,食個早餐收拾一下就準備離開。呢個營附有個小沙灘,唔少人都趁水退去摸蜆,收穫都幾豐富。仲有好多人去釣魚,成功加餸。

第二次露營完滿結束,由於太急要出發,帶漏少少野,但都冇咩問題既。露營好似會上    癮咁,見人地有咩,心會諗,有都好喎;但諗落又要拎咁多野就有少少打退堂鼓。今次已經比  上次多加了睡蓆同水袋,但想有個滿圓既露營,相信要慢慢研究同儲裝備。

市面上露品實在太五花八門,唔想買左先發覺唔啱駛,搞到呢期勁上網做 research,但又幾好話喎~買倒樣好用又平既野,就想快啲拎去露營實地試用吓,試用完係好既又好開心。

話時話,上期提到既 LED 燈,今次露營見倒有人用,口痕問下用緊既人,大家都好樂意提供資料,原來好多都係某啲露營網既網友,志同道合,好高興喔~

同場加映:於黄石碼頭試玩 iphone5 內置 Panorama 功能,都 OK 咁喎。輯相除左呢張都係 Canon S95 拍的~