Please click~~~

1/11/2014

大棠紅葉

近幾年香港龍友一族大增,好多時見小朋友都拎住部價值不菲既單反機周圍影。唔識影相既朋友都會買番部傍身,正所謂唔打得都睇得丫嘛!

網上好多龍友討論區,真心配服一班有心之仕攀山涉水,捱更抵夜只為拍出幾張靚相。更厲害既係佢地可以响香港呢個彈丸之地揾出無數 '神秘拍照點'。

大棠紅葉,其中一個入冬拍照影點其實並唔係新野,唔知係咪網上效應加上生果日報數次吹捧,加上呢個係眾多特別景點中比較易去既地方,今年搞出個人龍出來。

12 月尾 weekday 其間放假,諗住人唔會多於是去行吓,結果忘記了一眾族假學生哥,去到發現.... 好似去左行年宵。要影相冇人既紅葉照就要好似我咁 '向上發展'了。

坦白講,由落巴士行到上有紅葉既地方差唔多要成個鐘,但紅葉既數量,茂密度其實遠比遊人少。當做一日郊外遠足遊尚算唔錯,真心欣賞漫山紅葉大概都要番日本,韓國或者加拿大了 。


1/10/2014

現實版明日之後:零下50 度極寒天氣

鍾意睇電影,因為好多情景冇可能親身體驗。而電影中好多 '題材' 往往好似 deja vu 彷如如魔法水晶球,預視一切。明日之後既冰封世界活現美國,睇圖可能覺得好 amazing 同得意,但難以想像如活在其中.....

Link:  http://travel.fanpiece.com/m/globalsavors/c1113020.html


1/09/2014

卡通農場 (Hay Day)秘技

近日沉迷 Hay Day, 種植畜牧遊戲,ICON 畫面 OK 靚,身為任務控既我難以自拔,由上星期日玩到今日去到 24 關.... 




Updated on 3 Feb 2014:
仍然玩緊呢個 GAME,level 44, 玩呢種遊戲冇攻略,但秘訣就有少少:
1. 唔好升級升咁快:不停升 level 既同時會有多好多新 product 同機要賣,啲機好貴,好似開個碼頭又幾萬,要吊魚又要幾萬,雪榚機等等等等,跟本冇咁多錢,除非用真錢買啦.... 
2. 吊高黎賣:到 level 7 開始 notice board 有 order, 有齊 product/ 農作物可以開車收錢,但留意學校既 order 一般偏平,同樣product 可以更高價賣比其他人。建議初期唔夠 100 蚊 order 就唔好做,trash 左個 order 等半個鐘見等二個,過左 level 40 後我既農場基本上唔夠 400 蚊既 order 都唔做。儘量做賣錢又唔多經驗值既 order。
3. 善用 'Tom'... 唔記得玩到幾多關畫面中下方有個小男孩,第一次可以試用,記得用左佢,因為過多幾級就要比 15 粒鑽石先可以叫佢幫手揾材料或 product, 建議不停用佢揾啲未夠錢買黎做機既 product,雖然都要用錢同佢買,但佢既價錢係好低的。好似 9 條頸鏈唔駛1000 蚊,但賣 2 條已經 8XX 幾... 我而家成日叫佢揾首飾同未買倒既果 JAM 機做既各種果 JAM
4. 唔買都睇吓:得閒去睇報紙,去人地農場救吓樹,睇可以 expand barn/ farm land 既工具唔夠既都買,因為經常好快就爆倉冇位放野。反而其實唔使expand 太多地,留番黎 expand 漁塘好過,事關釣完魚要隔個幾鐘先可以再釣。重要揾吓有冇寶箱,部份寶箱其實唔駛用鑽石開,我經常揾倒 5 粒鑽石 ~
5. 唔好咩都賣:基本上成日有幾個人黎買野,我只賣可以再種的農作物,其他product 佢地出手超低,寧願放路邊攤賣!
6. 路邊攤:所有野用最貴既價錢賣出,唔理咩野都會响一個鐘內賣出,咁何解要賤賣呢?
7. 揾幫手:要開船或者揾人幫手救番生棵樹,一定記得要求其放啲野出路邊攤賣,咁啲人見報紙睇倒你有個 ‘感嘆號’ 就會好快黎幫手。
8. 朋友:除左 facebook 朋友,建議拋磚引肉,開始時放少少建築材料出去路邊攤賣,會有唔少人關注你,咁你可以去朋友欄既 follower 到揾倒佢地,加上另一個欄係剛幫過你既人,好多時响呢啲人既路邊攤都揾倒好野~ 朋友越高級好野越多~

香港半島酒店 85 週年 The Moment 動畫滙演

香港半島酒店於 2013 年12 月12 至14 日為慶祝酒店 85 週年,於晚上7:30, 8:30, 9:39 利用酒店外牆投映了為時約 5 分鐘的燈光動畫。14 號晚有去太空館門外睇 7:30 場次,幾得意,可惜落雨,好難影相或者錄影留念,剛剛於 youtube 揾倒由酒店提供片段, let's share~